თამაშები თოვლის ბაბუასგან 3-6 წლის ბავშვებისთვის – 6 თამაში ერთ ნაკრებში

საახალწლო თამაშების სასაჩუქრე ნაკრები 3-6 წლის ბავშვებისთვის. ნაკრებში შედის 6 თამაში, რომლებიც არა მხოლოდ მხიარულია, ასევე ძალიან სასარგებლო, ანვითარებს ბავშვებში აზროვნების, წარმოსახვის და გადმოცემის უნარს, ეხმარება ლოგიკური აზროვნების, მეხსიერების და ყურადღების განვითარებაში.

თამაშები გათვლილია 2 და მეტ მოთამაშეზე. ასევე შეგიძლიათ  გამოიყენოთ, როგორც ინდივიდუალური სავარჯიშო ერთ ბავშვთან.

ნაკრებში შედის შემდეგი თამაშები:

1. აბა გამოიცანი
   მიზანი: გადმოცემის უნარის განვითარება, აზროვნების განვითარება.თამაში შესაძლებელია როგორც ინდივიდუალურად ერთ ბავშვთან, ასევე ჯგუფურად (2 და მეტი მოთამაშე).

   თამაშის წესები მარტივია. პირველი მოთამაშე იღებს ბარათს და სიტყვების გარეშე ცდილობს აუხსნას ყველას თუ რა არის გამოსახული ბარათზე. ვინც პირველი გამოიცნობს ის იტოვებს ბარათს. სვლა გადადის შემდეგ მოთამაშეზე. გაიმარჯვებს ის, ვინც თამაშის ბოლოს ყველაზე მეტ ბარათს დააგროვებს.

   ბარათების რაოდენობა ნაკრებში – 20 ცალი
   ზომა – 10×7 სმ (სიგრძე, სიგანე)

2. აზროვნების თამაში
   მიზანი: აზროვნების განვითარება.თამაში შესაძლებელია როგორც ინდივიდუალურად ერთ ბავშვთან, ასევე ჯგუფურად (2 და მეტი მოთამაშე).

   თამაშის წესები. დადეთ ბარათების დასტა მაგიდაზე. გვერდზე დაუდეთ ბარათი ასოებით. მიზანი: რაც შეიძლება მეტი ბარათის დაგროვება პირველი მოთამაშე იღებს ერთ ბარათს დასტიდან, ატრიალებს და დებს მაგიდაზე ისე, რომ ყველამ ერთდროულად დაინახოს ბარათზე მოცემული თემა. მოთამაშეებმა რაც შეიძლება სწრაფად უნდა დაასახელონ სიტყვა მოცემულ თემაზე. სიტყვა უნდა იწყებოდეს პირველ ასოზე ასოების ბარათიდან. ვინც პირველი დაასახელებს სწორად, ის იტოვებს ბარათს. შემდეგი მოთამაშე ატრიალებს ახალ ბარათს და მოცემულ თემაზე ასახელებთ სიტყვას შემდეგ ასოზე. თუ ვერავინ ასახელებს სიტყვას, გადადით შემდეგ ასოზე. თუ ასოები გაგითავდათ, გააგრძელეთ პირველი ასოდან. თამაში დასრულდება, როცა ყველა თემა ამოიწურება.

   ბარათების რაოდენობა ნაკრებში – 20 ცალი
   ზომა – 10×7 სმ (სიგრძე, სიგანე)

3. იპოვე ზედმეტი
   მიზანი: ლოგიკური აზროვნების განვითარება, ყურადღების განვითარება, ვიზუალური მეხსიერების განვითარება.თამაში შესაძლებელია როგორც ინდივიდუალურად ერთ ბავშვთან, ასევე ჯგუფურად.

   თამაშის წესები. ეს არის სავარჯიშო ლოგიკური აზროვნების განვითარებისთვის. ოთხი ნახატიდან ერთი არის ზედმეტი, რომელიც ბავშვმა უნდა გამოიცნოს და ახსნას რატომ არის ზედმეტი. თუ დახმარება დასჭირდება, მიეცით მინიშნება.

   თამაშის დამატებითი ვარიანტები:

   1. დადეთ ერთი ბარათი მაგიდაზე და სთხოვეთ ბავშვს ყურადღებით დაათვალიეროს და დაიმახსოვროს გამოსახული ნივთები. შემდეგ რამოდენიმე წამით შეტრიალდეს რა დროსაც ერთი ნახატი უნდა დამალოთ ზედ პატარა ფურცლის ან თითის დადებით. ბავშვი რომ შემოტირალდება, სთხოვეთ დაასახელოს დამალული ნივთი.

   2. ეს თამაში რამოდენიმე ბავშვისთვისაა. პირველმა მოთამაშემ აიღოს ბარათი ისე, რომ დანარჩენებმა არ დაინახონ მასზე გამოსახული ნივთები. შემდეგ აირჩიოს ერთი ნივთი და აუხსნას დანარჩენებს ჟესტებით და მიმიკებით (სიტყვების გარეშე). ვინც გამოიცნობს, ის იღებს ახალ ბარათს და იწყებს ახალი სიტყვის ახსნას.

   ბარათების რაოდენობა ნაკრებში – 20 ცალი
   ზომა – 10×7 სმ (სიგრძე, სიგანე)

4. Memo
   მიზანი: მეხსიერების განვითარება, ვიზუალური მეხსიერების განვითარება.თამაში შესაძლებელია როგორც ინდივიდუალურად ერთ ბავშვთან, ასევე ჯგუფურად.

   თამაშის წესები. პირველმა მოთამაშემ უნდა ამოატრიალოს 2 ნებისმიერი ბარათი, თუ სურათები დაემთხვა, ორივე ბარათს იტოვებს, წინააღმდეგ შემთხვევაში ორივე ბარათი რჩება თავის ადგილზე სურათებით დაბლა. სვლა გადადის შემდეგ მოთამაშეზე, რომელიც იმეორებს იგივეს. გაიმარჯვებს ის, ვინც ყველაზე მეტ ბარათს შეაგროვებს.

   ბარათების რაოდენობა ნაკრებში – 20 ცალი
   ზომა – 10×7 სმ (სიგრძე, სიგანე)

5. ვინ ვარ
   მიზანი: გადმოცემის უნარის განვითარება, აზროვნების განვითარება, მიღებული ინფორმაციის დამუშავება.თამაში შესაძლებელია როგორც ინდივიდუალურად ერთ ბავშვთან, ასევე ჯგუფურად.

   თამაშის წესები. თამაშის მონაწილეებმა თანაბრად გაინაწილეთ ბარათები, მოთამაშეებს ეკრძალებათ საკუთარ ბარათებზე გამოსახული სურათის და ტექსტის ნახვა. თამაშს იწყებს უმცროსი მონაწილე. თავისი ბარათებიდან, ერთი ცალი უნდა მიიდოს შუბლზე ისე, რომ მის გარდა ყველამ დაინახოს. მან უნდა გამოიცნოს რა არის გამოსახული ბარათზე, ამისთვის მან უნდა დასვას სამი შეკითხვა, რომელზეც დანარჩენებმა უნდა უპასუხონ მხოლოდ “კი” ან “არა”. თუ სამი შეკითხვის შემდეგ მოთამაშე გამოიცნობს სიტყვას, მან უნდა გადადოს გამოცნობილი ბარათი და გააგრძელოს თამაში შემდეგი ბარათით. თუ სიტყვას ვერ გამოიცნობს, სვლა გადადის შემდეგ მოთამაშეზე. გაიმარჯვებს ის, ვინც პირველი მოიშორებს ყველა ბარათს.

   ბარათების რაოდენობა ნაკრებში – 20 ცალი
   ზომა – 10×7 სმ (სიგრძე, სიგანე)

6. მხიარული დავალებები
   მიზანი: მხიარული საახალწლო წვეულების მოწყიბაეს მხიარული დავალებები ნებისმიერ წვეულებას უფრო მხიარულს, აქტიურს და სახალისოს გახდის. გაახალისებს დიდსაც და პატარასაც.

   უბრალოდ აირჩიეთ ბარათები სათითაოდ და შეასრულეთ მოცემული დავალებები.

   გისურვებთ მხიარულებას!

   ბარათების რაოდენობა ნაკრებში – 20 ცალი
   ზომა – 10×7 სმ (სიგრძე, სიგანე)