დაკარგული სათამაშოები – საახალწლო ქვესტი 3-6 წლის ბავშვებისთვის
25.00 ₾
ქვესტი “დაკარგული სათამაშოები” ეს არის სათავგადასავლო თამაში ბავშვებისთვის, რომელსაც პირდაპირ სახლში მოაწყობთ. ამ თამაშის დახმარებით შეგიძლიათ ორიგინალურად გადასცეთ ბავშვს (ბავშვებს) საახალწლო საჩუქარი. დავალებების ამოხსნით ის თავად მიუახლოვდება ადგილს სადაც აღმოაჩენს საჩუქარს.
ქვესტის სიუჟეტი: ბავშვი პოულობს ელფს სახელად ვილი, რომელმაც დაკარგა 8 ცალი ნაძვის ხის სათამაშო, და ითხოვს დახმარებას მათ პოვნაში. პატარამ უნდა ამოხსნას 8 ცალი დავალება და იპოვოს ყველა სათამაშო. ყველა დავალება დაკავშირებულია ერთმანეთთან და თითოეული ამოხსნილი თავსატეხის პასუხი არის მინიშნება, თუ სად უნდა ეძებოს შემდეგი დავალება.
ორგანიზატორმა (მშობელმა) მხოლოდ ინსტრუქციის მიხედვით უნდა განათავსოს დავალებები მითითებულ ადგილებში და ქვესტის სიუჟეტი თავად მიიყვანს მოთამაშეებს მთავარ პრიზამდე.
დავალებების დასამალად შევარჩიეთ ადგილები, რომლებიც არის ყველა სახლში:
- მაცივარი
- მაგიდა
- ფანჯარა
- ნებისმიერი რამე წითელი ფერის, სადაც შეიძლება ბარათის დამალვა
- ჩანგალი
- ბალიში
- ფეხსაცმელი
- სარკე
- დივანი
ვის შეუძლია მონაწილეობის მიღება:
თამაშის მოწყობა შეიძლება 1 ბავშვისთვის, ან რამოდენიმე მოთამაშისთვის – სასურველია 4 ბავშვამდე, რომ ყველა მონაწილემ შეძლოს 2 დავალების შესრულება. პატარებს უჭირთ დავალებების გაყოფა, ყველას უნდა ამოხსნა.
ხანგრძლივობა დამოკიდებულია ბავშვების ასაკზე და რაოდენობაზე.თამაშმა შეიძლება დაიკავოს 30 წუთიდან 1 საათამდე დრო, საშუალოდ 45 წუთი. ხანგრძლივობა შეგიძლიათ აკონტროლოთ დავალებების უფრო მარტივად ან რთულად დამალვის გზით, მინიშნებების მიცემით.
ქვესტს ასევე მოყვება ბარათები დავალებებით, რომელიც შეგიძლიათ გამოიყენოთ მინიშნების გასაცემად. თუ მოთამაშეებს დასჭირდებათ დახმარება, მათ უნდა ამოიღონ ბარათი და შეასრულონ მასზე მოცემული დავალება, შესრულების შემთხვევაში ორგანიზატორი აძლევს მინიშნებას. ბარათები შეგიძლიათ ქვესტის გარეშეც გამოიყენოთ. ეს სახალისო დავალებები ნებისმიერ წვეულებას უფრო მხიარულს და დასამახსოვრებელს გახდის.
რა დაგჭირდებათ ქვესტის ჩასატარებლად:
1. წითელი, ყვითელი და ლურჯი ფანქრები/ფლომასტერები
2. ძაფები და მაკრატელი – გამოჭრილი ფიგურების (ნაძვის ხის სათამაშოების) ნაძვის ხეზე დასაკიდად.
3. საჩუქრები ან ტკბილეული, რომელსაც ბოლოს ყველა მონაწილე მიიღებს.
მარაგშია
